Ескелді ауданы Жетісу орта мектебінің 10 «Ә»сынып оқушыларының «Қарттарым-асыл қазынам» тақырыбында ашық тәрбие сағаты өтті.
Ескелді ауданы Жетісу орта мектебінің 10 «Ә»сынып оқушыларының «Қарттарым-асыл қазынам» тақырыбында ашық тәрбие сағаты өтті.Іс-шараға ардагер ұстаздарымыз қатысып,мерекелік көңіл күй сыйланды.Мақсаты: Оқушылардың бойына халқымыздың қадір-қасиетін сіңіру,үлкенді сыйлай білуге, өз ата-бабасын ұмытпай есте сақтауға және аталы сөзден ғибрат алуға тәрбиелеу. Қазақстанның өсіп- өркендеуіне, еліміздің бейбітшілік тыныш өмір кешуіне өз үлестерін қосқан осы ардақты да аяулы қарттарымыздың арқасы деп есептейміз. Міне, енді қарттар күні саналы ғұмырларын Отан деп, тынымсыз еңбектерімен мемлекетіміздің негізін салуға жол ашқан алдыңғы буын ата- әжелеріміздің төл мерекесі. Олардың өмір жолдары бүгінгі ұрпаққа табылмас қазына.
Қарттарды құрметтемейтін, олардың алдындағы перзенттік парызын үлкен ынтамен орындамайтын, әдептілік, кішіпейілділік, сергек сезімталдық көрсетпейтін, бұл қасиеттер қанына сіңіп, жүрегіне ұяламаған ұрпақтан не опа, не қайыр?! Адамның өмірінің мәні мен сұлулығы, адамның келешегіне сенімділігі – баланың ата-анасын ардақ тұтып, өзінің перзенттік қарызын бір сәтке де есінен шығармауында. Үлкендіктен ешкім құтыла алмаған. Бірақ кәріліктің өзінің сәні – мәні бар-деп тәрбие сағатын Дәуен Серуеннің «Шашу»әнімен ашылды. Бахатай Ұлпан мен Ералы Айшуақ та «Әжетайым» әнін тарту етті. Оразымбек Маржан мен Кәкен Нұрбақыттың орындауындда «Ұстаз бен оқушы»мюзиклын қойып,10 «Ә»сынып оқушыларының қарттарымызға арнаған өлен жолдарымен жалғасын тауып, Байболат Еркежан мен Дәуен Серуеннің «Туған жер»әні де шырқалды.Мың бұралған «Томирис»би тобы мен 10 «Ә»сынып қыздарының билеріде шашу боп шашылды.Тәрбие сағатынын соңы «Ұзтазым» әнімен аяқталып,үлкендерден бата алынды.